'குட்டி நிலவு 2006' போட்டி - பூஞ்சிட்டுப் பிள்ளைகளே!

பூஞ்சிட்டுப் பிள்ளைகளே,

நலம்தானே?

வரும் மே பதினெட்டாம் தேதி நிலாச்சாரல் தனது ஐந்தாவது பிறந்த தினத்தைக் கொண்டாடுகிறதல்லவா? அதற்காக உங்களுக்கெல்லாம் ஒரு போட்டி நடத்தி பரிசுகள் தரலாம் என்றிருக்கிறோம். ஆவலாக இருக்கிறீர்கள்தானே? மேலே படியுங்கள்


இந்தப் போட்டியில் நீங்கள் எப்படி பங்குகொள்ளலாம்?

* படம் வரைந்து அனுப்பலாம்

* கதை எழுதி அனுப்பலாம்

* கவிதை எழுதலாம்

* பாட்டுப் பாடி அல்லது நடனமாடி பதிவு செய்து அனுப்பலாம் (அப்பா அம்மாகிட்டே கேளுங்க எப்படி செய்யறதுன்னு)


எப்படி அனுப்புவது?

* Chittu@nilacharal.com என்கிற மின்னஞ்சலுக்கு உங்கள் கோப்புகளை அனுப்ப வேண்டும்.

* அனுப்பும்போது உங்களுடைய பிறந்த தேதியையும், பெயர் மற்றும் முகவரியைக் கண்டிப்பாகக் குறிப்பிட வேண்டும்.

* 'குட்டி நிலவு 2006' என்று மின்னஞ்சலுக்குத் தலைப்பிட்டு அனுப்புங்கள்.

நீங்கள் என்ன செய்தாலும் உங்களுடைய ஆக்கங்கள் எங்களுக்கு வந்து சேர வேண்டிய கடைசி தேதி மே 7, 2006..


பரிசுகள்:

மூன்று பிரிவுகளாக இப்போட்டி நடத்தப்படும்:

முல்லைப் பிரிவு: மே 18,1999 க்குப் பின் பிறந்த குழந்தைகளின் படைப்புகள்.

மல்லிகைப் பிரிவு: மே 19,1996 - மே 18, 1999 க்கு இடையில் பிறந்த குழந்தைகளின் படைப்புகள்.

தாமரைப் பிரிவு: மே 19,1993 - மே 18 , 1996க்கு இடையில் பிறந்த குழந்தைகளின் படைப்புகள்

மூன்று பிரிவிலும் ஒவ்வொரு பரிசுகள் வழங்கப்படும். பரிசுகள் நிலாஷாப் சார்பில் வழங்கப்படும். சில ஆறுதல் பரிசுகள் வழங்குவதற்கு முயற்சிகள் மேற்கொண்டிருக்கிறோம்.


விதிமுறைகள்:

1. போட்டியில் பங்கேற்கும் படைப்புகள் வேறு எந்த ஊடகத்திலும் வெளிவந்திருக்கக் கூடாது.

2. குழந்தைகளின் முயற்சியாக மட்டுமே இருத்தல் வேண்டும்.

3. மேற்கண்ட இரு உறுதிமொழிகளையும் பெற்றோர்கள் தரவேண்டும்.

4. படைப்புகளின் மீதான வாசகர்களின் கருத்துக்களுக்கு உரிய மதிப்பு அளிக்கப்படுமானாலும்
நிலாக்குழுவின் முடிவே இறுதியானது.

5. படைப்புகள் வந்து சேரவேண்டிய கடைசிநாள் மே 7, 2006. போட்டியின் முடிவு ஜுன் முதல் வார இதழில் வெளியாகும்.

6. போட்டியில் கலந்து கொண்டு பரிசுகள் பெறாத படைப்புகளைப் பிரசுரிக்க நிலாச்சாரலுக்கு
உரிமை உண்டு. இப்படைப்புகளுக்கு வழக்கம் போல சன்மானம் வழங்கப்படமாட்டா.

உங்கள் அனைவரின் அன்புக்கும் ஆதரவுக்கும் நன்றி

அன்புடன்
நிலாக் குழுவினர்

..........................................................................................................................

மற்ற குறிப்புகள்:

போட்டிகளுக்குப் பரிசுகள் வழங்க விரும்புபவர்கள் எங்களுடன் தொடர்பு கொள்ளுங்கள்.

வாசகர்கள் இந்தப் போட்டியில் பங்கெடுக்கவில்லை என்றாலும் படைப்புகளை விமரிசித்து பரிசுகளை வெல்லலாம். விவரங்களுக்கு கீழே உள்ள சுட்டியைச் சொடுக்கவும்:

http://www.nilacharal.com/notice/feedback_contest.asp

நிலாச்சாரலுக்கு படைப்புகளை அனுப்பும் பொது விதிகளுக்கும், வழிமுறைகளுக்கும் கீழே உள்ள தொடர்புகளைச் சொடுக்கவும்.
http://www.nilacharal.com/write.html
http://www.nilacharal.com/notice/copyright.asp


யோகா, கர்நாடக சங்கீதம், தமிழ் நாடகங்கள்,வேத மந்திரங்கள், பரதநாட்டியம் - இவை பற்றிய குறுந்தட்டுக்கள் வாங்க நிலாஷாப்புக்குச் செல்லுங்கள்:
http://www.nilashop.com/
அண்மையில் தமிழ் மின் நூல்களும் நிலாஷாப்பில் விற்பனைக்குச் சேர்க்கப்பட்டுள்ளன.